A Điện Kính Thiên ƀă hiâm mơno nhoăm pâ hnoăng jâ pôa, mơhno tơdroăng ki lĕm “Niân a hâi kố kơnôm ai hnoăng vâi krâ nah’’ dêi hdroâng mơngế Việt Nam, pôa Phạm Minh Chính - Ngế pro xiâm hnê ngăn tơnêi têa rơtế ƀă mâu kăn Đảng, Tơnêi têa ƀă mâu kăn kong pơlê mot a Tíu tơbâ chôu nhang pleăng reăng, mơhno hiâm mơno pâ kơ jâ pôa pin nah hiăng ai hnoăng mơjiâng tơnêi têa vâ kuăn cháu Lạc Hồng pơtối mơjiâng tơnêi têa Việt Nam kro mơdrŏng, rơkê plĕng môi tiah nôkố.
Tung chôu phut tĭng dêi hâi xối tơbâ, rơtuh mơngế Việt Nam ối tung tơnêi têa ƀă kong têa ê, xuân troh a tíu xối tơbâ Pơtáu Hùng tung hiâm mơno nhoăm pâ, hnoăng mâu pơtáu Hùng, mâu jâ pôa pin nah hiăng ai hnoăng mơjiâng ƀă rak vế tơnêi têa. Klêi mơdĭng chôu nhang, pôa Phạm Minh Chính ƀă mâu kăn ‘măn hơvĭng reăng, chôu nhang a tơnâp pơtáu Hùng; pleăng reăng a Um meăn Pôa Hồ tơpui tơno ƀă mâu kăn ƀô̆, mâu lêng kidjâ troăng a hdrối tung rôh tơplâ a pơtăm hơlâ troăng Đền Giếng.
Viết bình luận