Xông tơpui a roh tơdah, pôa Phạm Minh Chính, Ngế pro xiâm hnê ngăn tơnêi têa tối nhên Mih ƀă Hàn Quốc pơrá cho mâu khu tơrŭm cheăng ton xŏn dêi Việt Nam, tung mê khoa hok kŏng ngê̆, pơhlêh nếo tơmiât pêi rơkê cho mâu kơvâ cheăng tơrŭm ki kal. Tung pơla pơlê pơla khu tê mơdró pói vâ mơhnhôk mâu kơxô̆ liăn mơ’no ki châ tơƀrê hôm, ki má lối cho mâu khu tê mơdró má môi mơtiah Lam Research tung mâu kơvâ kŏng ngê̆ rơxông nếo, kơmăi kơmok tơmeăm ki hrik mơ’no hyôh.

Tiô tơdroăng pơxúa tơtro, pá puât kum dêi pó, rơtế pêi, rơtế ƀlêi trâng, rơtế châ pơxúa, rơtế mơnhông, Ngế pro xiâm hnê ngăn tơnêi têa pói vâ péa grup pơkuâ pakĭng mơ’no liăn cheăng, pêt mơjiâng tơmeăm kal tơtrŏng tơdroăng pêi cheăng hriăn plĕng, mơnhông, hnê xúa kŏng ngê̆, mơdêk mơnhông hê̆ sinh thái tơmeăm hrik mơ’no hyôh a Việt Nam.