Tơdah jâ Khamphao Ernthavanh, kăn teăng mâ Lếo a Việt Nam, pôa Phạm Minh chính - Ngế pro xiâm hnê ngăn tơnêi têa tối nhên Việt Nam ƀă Lếo ai tơdroăng tơrŭm cheăng krê, cho tơmeăm khoăng kơnía git dêi rêm ngế kuăn pơlê péa tơnêi têa xuân ai hnoăng rak vế, ôh tá la lâi pơtê kum dêi rơpó mơnhông tơƀrê.

Ngế pro xiâm hnê ngăn tơnêi têa púi vâ kơ koan khu râ pơkuâ cheăng péa tơnêi têa tơrŭm tro tâ nếo, mơ-eăm tơleăng mơnhên mâu tơdroăng ối tơvâ tơvân djâ tơdroăng tơrŭm cheăng kâ, tê mơdró, ‘no liăn cheăng. Xuân tung kơxê hâi lơ 19/3, pôa Phạm Minh chính - Ngế pro xiâm hnê ngăn tơnêi tơdah pôa Choi Young Sam  - Kăn teăng mâ Hàn Quốc a Việt Nam drêng rôh pơxiâm xo pêi hnoăng cheăng a Việt Nam.

Ngế pro xiâm hnê ngăn tơnêi têa pơkâ thế péa pâ pơtối mơdêk tơrŭm tê mơdró mơnhông tơƀrê tơniăn tiô troăng tơdâng tơ ‘mô  krá tơniăn, mơhnhôk mâu khu mơdró Hàn Quốc pơtối po rơdâ ‘no liăn cheăng, tung mê, tơmâng khât mâu kơvâ cheăng dêi Hàn Quốc ki rơdêi mê cho kơmăi kơmok túa lĕm tro, điê̆n tưh, pro tuk ƀă mâu kơvâ cheăng ki nếo ‘na tơmeăm ki chiâng hrik, xup xo.