A roh tơdah, pôa Phạm Minh Chính, Ngế pro xiâm hnê ngăn tơnêi têa mơnê tơdroăng tơdah păng ‘nâng, nhuô̆m ƀă hơtôu ki Khu Kăn Kuô̆k hô̆i râ má môi nhŏng o tối krê, Chin phuh ƀă kuăn pơlê Australia tối tơdjuôm hiăng ăm Khu râ kăn teăng mâ Chin phuh Việt Nam.

Ngế pro xiâm hnê ngăn tơnêi têa kheăn kơdeăn tơrŭm cheăng pơla Kuô̆k hô̆i Việt Nam ƀă Kăn xiâm Kuô̆k hô̆i râ má môi Australia, xuân môi tiah Khu kăn Kuô̆k hô̆i râ má môi nhŏng o péa tơnêi têa pơtối thăm tơrŭm, ƀă mâu tơdroăng pêi cheăng trâm mâ, hriâm tâp, tŏng kum, tối ăm dêi pó, ki má lối cho mơdêk trâm mâ kăn Kuô̆k râ má môi hơnăm ối nếo, kăn Kuô̆k hô̆i cho mơngế kơdrâi ƀă hía hé.

Ngế pro xiâm hnê ngăn Chin phuh pơkâ thế Kuô̆k hô̆i râ má môi péa tơnêi têa pơtối pêi nhên mâu tơdroăng môi tuăn ki péa pâ hiăng kĭ tơkêa; môi tuăn ƀă séa ngăn tơdroăng pêi pro mâu tơkêa pơla Chin phuh péa tơnêi têa, pêi pro tơrŭm cheăng ton xŏn pơla Việt Nam – Australia păng ‘nâng, châ tơƀrê.