A rôh tơdah, pôa Phạm Minh Chính, Ngế pro xiâm hnê ngăn tơnêi têa khĕn kơdeăn mâu tơdroăng tơrŭm cheăng tê mơdró ai pơxúa dêi Liăn ‘măn kơdĭng ‘no pêi cheăng cho tơrŭm cheăng Việt Nam, tung mê, ai khu mơdró tơnêi têa ƀă khu mơdró krê, Pơkâ thế Liăn ‘măn kơdĭng ‘no pêi cheăng vâ tŏng kum ăm Việt Nam, pơtối cho ‘no pêi cheăng a Việt Nam  ƀă  tơdroăng pêi kân, rơdâ, xúa ai pơxúa tơƀrê tâ.

Kăn xiâm pơkuâ liăn ’măn kơdĭng ‘no pêi cheăng Warburg Pincus tối, mâu khu mơdró Mih ngăn Việt Nam cho tơnêi têa tơrŭm ki nhoăm ƀă loi khât a tơmeăm khoăng ai hlâu, tơngah ton dêi Việt Nam; hbrâ vâ hnê tối, kum tối tơbleăng troăng hơlâ rơtế ai pơxúa ‘na pro hnoăng mơhá pơla péa tơnêi têa Việt Nam - Mih; hlối pơtối mơhnhôk rơdêi mâu tơrŭm cheăng ki ê ‘na tơmeăm khoăng ai hlâu mơnhông dêi Việt Nam; mơ-eăm ‘no hnoăng ăm mơnhông tơdroăng tơrŭm cheăng pơla Việt Nam - Mih.