A rôh lăm pôu, pôa Phạm Minh Chính hiăng rơkâu Lếo tơkŭm po klêi hneăng Hôp Khu kăn kroăng Mê Công lâp plâi tơnêi rôh má 4, ing mê veăng’no hnoăng ƀă ki rơdêi dế Lếo tung kơpong. Péa Ngế pro xiâm hnê ngăn rơkâu ƀă khê̆n kơdeăn ki hiăng mơnhông mơdêk  lĕm tung tơdroăng tơrŭm cheăng kal kí, môi tuăn dêi rơpó  ƀă hlối tơrŭm tung tŭm tơdroăng pơla Việt Nam - Lếo tung tu’m tơdroăng cheăng pơla péa tơnêi têa tung mâu hơnăm hdrối.

Malối, tơrŭm cheăng tê mơdró cho tíu ki tơ ƀrê ƀă kơxô̆ liăn châ xo ing tơmeăm tê pơla péa pâ tung plâ hơnăm 2022 châ lối 1,7 rơtaldollar, tâk lối 24% tâng vâ pơchông ƀă hơnăm 2021. Péa pâ vâ môi tuăn mơ-eăm tơbleăng pêi tơdroăng tơhrâ hiăng kĭ tung mâu tơdroăng tơrŭm  cheăng; pơtối tơrŭm tơniăn pơlê pơla, tơnêi têa; mơdêk tơrŭm kring gak tíu tơkăng kong. Péa pâ xuân vâ môi tuăn pơtối mơdêk tơrŭm cheăng kâ; kơjo kum dêi rơpó  ‘mâi mơnhông klêi kơ’nâi ai pơreăng kân, mơjiâng cheăng kâ tơniăn krê, pơkuâ ngăn dêi, rơtế tơrŭm ƀă lâp plâi tơnêi, trâu rơdâ ƀă hlối pơxúa tơƀrê.