Tơbleăng a hneăng hôp, pôa Phạm Minh Chính - Ngế pro xiâm hnê ngăn tơnêi têa tối, kố cho tơdroăng hôp ai pơxúa kân, tơkŭm tơbleăng pơkâ, ƀă tơpui ‘na ‘no liăn cheăng mơjiâng tơmeăm khoăng dêi kong pơlê; mơhno mâ ngăn tơdroăng vâ pêi, túa pêi ăm tro tâi tâng, tro khoa hok ƀă hlối tơmâng khât dêi mâu khu mơdró, khu ‘no liăn mơjiâng tơmeăm khoăng ƀă mâu tơdroăng hnê tối tro hiâm mơno, tơpui khât, tro ƀă tơdroăng púi vâ ai khât dêi mâu khu mơdró, khu ‘no liăn cheăng.
Peăng tơdroăng pơkâ kong pơlê Lạng Sơn hơnăm 2021- 2030, mâ ngăn tơdroăng vâ pêi troh hơnăm 2050 Ngế pro xiâm hnê ngăn tối, pơkâ châ hbrâ hên tŭm, tro khoa hok; mơjiâng pro ing mâu tíu ki pơtối pêi pro tơƀrê tơdroăng ki tro, kơdroh xơpá dêi kong pơlê. Pơkâ hdró hiăng châ tối, mâ ngăn, tơdroăng pơkâ mơnhông tơƀrê ki kal, tơƀrê tung mơhông cheăng kâ; troăng rơhlâ mơnhông tơƀrê, troăng rơhlâ pêi pro, luât pơkâ tŏng kum, xiâm pêi pro tiô pơkâ tung la ngiâ.
Viết bình luận