Ngế pro xiâm hnê ngăn tơnêi têa tối ƀă tơdroăng tơmâng hnê mơhno dêi Đảng, Tơnêi têa, Chin phuh, ƀă tơdroăng mơ-eăm dêi rêm râ Đảng ƀă mâu kăn ƀô̆, kuăn pơlê kong pơlê Kiên Giang, pơlê kong kơdrâm Phú Quốc mơnhông rơdêi rĕng, krá tơniăn.

Tung la ngiâ, Ngế pro xiâm hnê ngăn tơnêi têa hnê mơhno: pơkâ mơ-eăm mơjiâng Phú Quốc chiâng tíu tê mơdró, ôm hyô ngăn nhâ loăng kuăn kiâ ki dâi lĕm, ôm hyô a têa kơxĭ, cho tíu ki tơxâng rêh, chuăn ki kân râ kơpong ƀă lâp plâi tơnêi, tơdjêp ƀă tíu xiâm cheăng kâ kân tung kơpong ƀă lâp plâi tơnêi, mơhno inâi ôm hyô Việt Nam tung lơgât ôm hyô lâp plâi tơnêi.

Phú Quốc kal pơtối hơ’lêh nếo tuăn tơmiât mơnhông mơdêk ‘’xiâm ing tuăn hriăn plĕng; mơhnhôk pơxiâm ing tơdroăng hơlêh nếo “Ivá rơdêi pơxiâm ing kuăn pơlê khu mơdró’’.