Péa ngế kăn xiâm pơkuâ hiăng môi tuăn rơtế mơ-eăm mơnhông tơƀrê tâ nếo tung tơrŭm pêi cheăng ƀă hnê hriâm – hnê cheăng pêi. Pôa Phạm Minh Chính - Ngế pro xiâm hnê ngăn Chin phuh pâ thế péa pâ pơtối mơdêk tơpui tơno mâu rôh lăm pôu, malối khu râ kăn xiâm; pro tơ’lêi hlâu ăm mâu túa plâi ki lĕm châ tê tung kơchơ dêi rơpó môi tiah priât, krui kơxái dêi Việt Nam ƀă kiwi, cherry dêi New Zealand.

Klêi mê, thăm rak ki tơdjêp troăng têa kơxĭ, troăng tơƀai; mơdêk tơrŭm cheăng túa lĕm tro, trâm mâ kuăn pơlê; mâu kơ koan chêh bro luât péa tơnêi têa pơtối mơdêk hnoăng cheăng tung ‘mâi mơnhông ƀă pro trâu rơdâ tâ nếo tơrŭm cheăng la ngiâ Việt Nam - New Zealand, tơpui tơno ki rơkê plĕng ăm dêi rơpó ‘na mâu tơdroăng ki kân dêi tơnêi têa, tơrŭm mơdêk pêi pro mâu tơkêa tơrŭm hiăng kĭ pơla péa tơnêi têa.