Tơbleăng a hâi leh, tơdrêng ƀă tơdroăng pêi pro tiô mâu pơkâ pa ngiâ, pôa Phạm Minh Chính, Ngế pro xiâm hnê ngăn tơnêi pơkâ thế Vietcombank kal ‘nâi nhên pơkâ, troăng rơhlâ vâ pêi, troăng rơhlâ mơnhông ton hơnăm ăm tơtro ƀă Troăng rơhlâ mơnhông kơvâ cheăng dêi Hngêi rak liăn troh hơnăm 2025, troăng vâ pêi troh hơnăm 2030 ƀă tơdroăng cheăng pêi vâ mơnhông mơdêk tơdjuôm cho mơdêk ivá rak ngăn, liăn ngân, pơxúa tung tê mơdró, pơ’lêh kơxô̆ ƀă túa nếo nôkố xúa kŏng ngê̆ hngêi rak liăn.

Ngế pro xiâm hnê ngăn tơnêi têa púi vâ ƀă loi khât tiah kố, Vietcombank kô pơtối rak tơdroăng cheăng ki lěm ƀă mâu hnoăng hiăng châ pêi pro, mơ-eăm tơkâ luâ tơdroăng pá, pơloăng mơnúa; pơtối hơ’lêh nếo tâi tâng, mơdêk tơƀrê hnoăng cheăng, ivá tơbriât cheăng, pơtối ƀă mơdêk ki rơdêi dêi hngêi rak liăn má 1 a Việt Nam, ƀă chôa lâng mơnhông krá râ kơpong ƀă lâp plâi tơnêi.