Kơxo lơ 15/1, pôa Phan Đình Trạc, Kăn pơkuâ tơdroăng xiâm Tơnêi têa ƀă khu râ kăn pêi cheăng troh lăm pôu, diâp kơxuô tơmeăm Têt ăm mâu rơpŏng ai hnoăng tơnêi têa, rơpŏng kơtiê, krâ pơlê ƀă mơngế ki kuăn pơlê loi tơngah cheăm Đinh Trang Thượng, tơring Di Linh (Lâm Đồng). Pôa Phan Đình Trạc loi tơngah, ƀă khôi túa lĕm tro vâi krâ nah cheăm Khên tơnôu ƀă hên tơmeăm, ki tơ’lêi hlâu ‘na tơnêi tơníu, kong prâi, tơdroăng mơ-eăm xông tơtêk dêi pơlê, ƀă tơdroăng tơmâng tŏng kum dêi Đảng, tơnêi têa, mơni cheăm Đinh Trang Thượng rĕng tah tâi tơdroăng kơtiê a mâu rơpŏng hngêi, rế ai hên rơpŏng kro mơdrŏng ƀă hôm rế hía rế tâk.

Roh kố, pôa Phan Đình Trạc rơtế khu râ kăn pêi cheăng diâp 310 kơxuô tơmeăm ăm mâu rơpŏng ai hnoăng tơnêi têa tŏng kum, mơngế kơtiê, krâ pơlê ƀă mơngế ki kuăn pơlê loi tơngah Đinh Trang Thượng; diâp 1.000 kơxuô tơmeăm diâp ăm mâu rơpŏng kơtiê ƀă 5.000 kơ’lo têa tôu ro diâp ăm vâi hdrêng kong pơlê Lâm Đồng.