Kơxo lơ 12/4, pôa Phan Đình Trạc – Kăn pơkuâ tơdroăng kal Tơnêi têa rơtế khu râ kăn pêi cheăng hiăng ai roh pêi cheăng ƀă Khu pơkuâ cheăng Đảng kong pơlê Tây Ninh. Xông tơpui hnê mơhno a roh pêi cheăng, pôa Phan Đình Trạc kheăn kơdeăn tơdroăng châ tơƀrê tung pơkuâ, hnê mơhno dêi Khu pơkuâ cheăng Đảng kong pơlê cheăng Đảng  ‘na tơdroăng cheăng tơnêi têa, ‘mâi rơnêu luât ƀă tơdroăng hbrâ mơdât kâ kơhveăm liăn ngân, tơdroăng ki ôh tá lĕm tro.

Khu pơkuâ tơdroăng xiâm Tơnêi têa pơkâ thế Tây Ninh tơtrŏng, tơkŭm pơkuâ, hnê mơhno mâu tơdroăng xiâm ‘na gâk kring tơkăng kong, kring vế  tơniăn, tơdroăng loi tĭng, tiô khôp, kŏng nhân; mơdêk châ tơƀrê pêi cheăng ƀă tơdroăng tơrŭm pơla kơ koan pơkuâ tơdroăng cheăng tơnêi têa, ‘na arak luât; thăm séa ngăn, pơkuâ hnoăng pơkuâ tung tơdroăng pêi cheăng xăm tối, tơleăng tơdroăng pro xôi.

Pôa Phan Đình Trạc xuân pơkâ thế Tây Ninh kal tơtrŏng tơdroăng séa ngăn tung khu, mơdêk ‘’séa ngăn xêh, ‘mâi rơnêu xêh’’ ƀă rêm ngế krê kăn ƀô̆, đảng viên ƀă khu pú hên, ki má lối cho mâu kơvâ cheăng, ôh ti ăm ai tơdroăng kâ kơhveăm liăn ngân, tơdroăng ki ôh tá lĕm tro.