Ƀă tơdroăng pơxá “Pơ’lêh nếo troăng hơlâ pơkuâ hnê mơhno; pơtối rak vế ivá rơdêi tơrŭm môi tuăn, hnoăng cheăng pêi, tơdroăng mơhno troăng a hdrối; mơjiâng Đảng ƀô̆ mâu kơ koan Đảng kong pơlê krá lĕm, rơdêi”.

Rôh hôp Hneăng hơnăm 2025-2030, Đảng ƀô̆ pơkâ pêi tơƀrê mâu tơdroăng pơkâ troăng hơlâ dêi Khu xiâm kal kí. Hneăng hôp tơbleăng Pơkâ dêi khu kăn Tỉnh ủy Gia Lai, hnê mơhno khu kăn Đảng ƀô̆ mâu kơ koan tung Đảng kong pơlê hneăng hơnăm 2025-2030 mê ai 17 ngế cheăng tung khu; khu pơkua cheăng dêi  Đảng ủy  mâu kơ koan Đảng kong pơlê mê 9 ngế. Pôa Rah Lan Chung - Phŏ kăn hnê ngăn Tỉnh ủy, Kăn hnê ngăn Hô̆i đong kuăn pơlê dêi kong pơlê pro Kăn hnê ngăn Đảng ủy mâu kơ koan Đảng kong pơlê hneăng hơnăm 2025-2030.