Rơkâu mâu ngế chêh hlá tơbeăng cheăng hiăng ton hơnăm, rơkê  klăng Hâi Hlá tơbeăng kăch măng Việt Nam, Kăn xiâm hnê ngăn tơnêi têa tối nhên, mâu rơxông khu chêh hlá tơbeăng kơ’nâi kố đi đo pâ troh mâu ngế cheăng hlá tơbeăng ki hiăng ton hơnăm môi tiah mâu “tíu ki râng krá’’, mâu ngế ai veăng kum kân ăm tơdroăng chêh hlá tơbeăng kăch măng Việt Nam.

Kăn xiâm hnê ngăn tơnêi têa pói vâ mâu ngế chêh hlá tơbeăng pêi cheăng hiăng ton hơnăm ivá mo sêi, tuăn ngôa rơkê, pơtối mơnhông hiâm mơno kăch măng ƀă mâu troăng pêi ki rơkê kơnía dêi tơná, veăng kum hên tâ ăm tơdroăng chêh hlá tơbeăng tơnêi têa pin, tơdrêng amê hnê hriâm khôi túa kăch măng ăm rơxông ối nếo tiô ƀối, hriâm tâp, mơ-eăm.

Mâu khu chêh hlá tơbeăng hiăng ton hơnăm rơrêk ƀă hâk tơngăm châ Kăn xiâm hnê ngăn tơnêi têa troh pôu kơ-êng, mơhnhôk; tơdrêng amê hâk vâ mâu tơdroăng mơnhông ó rơdêi dêi tơnêi têa tung pơla kố nah. Mâu khu chêh hlá tơbeăng mơnhên, kô pơtối mơnhông khôi túa kăch măng, veăng hnê hriâm rơxông ối nếo, veăng kum hên tung tơdroăng mơnhông dêi tơnêi têa.