Hâi lơ 30/7, a Tíu pêi cheăng xiâm Đảng, Kăn xiâm pơkuâ hnê ngăn cheăng Đảng pơchân, vâ mâu mơéa gá rơkê plĕng khât, cho ngoi on ki séa troăng ăm tá khu pơkuâ tơdroăng kal kí mê mâu tiêuh ƀan pơtối séa ngăn, ‘mot tơ’nôm, tăng ‘nâi chêh pro klêi. Hbrâ rơnáu, pôi tá tơkôm mâu rơkong tơpui tối dêi mâu râ mê athế pêi đi đo tá troh drêng mơéa Hneăng hôp 14 dêi Đảng châ tơbleăng.

Tơdrêng amê hlối hbrâ rơnáu nhên mâu kơxô̆ liăn, mâu tơdroăng, liăn ngân vâ xoăng, riân tơmiât ƀă tối tơdroăng ki lâi pêi hdrối, tơdroăng ki lâi pêi kơ’nâi. Ƀă athế tơmiât troh ki tơniăn, tơƀrê, krá ton, ví pô ăm ai túa tơmiât tiô hneăng.

Pôa Tô Lâm, kăn xiâm pơkuâ hnê ngăn cheăng Đảng tối nhên, mâu tiêh ƀan kal tơkŭm tuăn ngoâ vâ chêh pro klêi tơdroăng cheăng châ pơcháu vâ pro tơ’lêi hlâu má môi vâ kăn pơkuâ 2 râ a mâu kong pơlê ƀă mâu kơ koan tíu pêi cheăng pơtối pêi cheăng tơniăn tơƀrê.