Hâi lơ 6/8, Khu pơtâng tối ƀă Hnê mơhnhôk Tơnêi têa tơrŭm ƀă Đảng ủi Măt trâ̆n Tơnêi têa, mâu khu râ Tơnêi têa, Đảng ủi Khu xiâm Khoa hok kong ngê̆, Đảng ủi Khu xiâm ngăn Túa lĕm tro Tơ’noăng ivá ƀă Ôm hyô ƀă mâu tíu cheăng ai tơdjâk troh tơkŭm po Rôh hôp trâm mâ 80 ngế kăn teăng mâ ăm mâu khu ki rơkê, khu ki hriăn ‘na khoa hok, văn ngĭ sih tung lâp tơnêi têa.

Tơpui a rôh trâm mâ, pôa Tô Lâm, kăn xiâm pơkuâ hnê ngăn cheăng Đảng tối mơnê khât troh tâi tâng khu ki rơkê, khu ki hriăn ‘na khoa hok, văn ngê̆ sih tung lâp tơnêi têa tung plâ hdrối nah hiăng đi đo rơtế prôk ƀă Đảng, Tơnêi têa ƀă hdroâng kuăn ngo, mơnê tơmâng xo mâu rơkong tơpui dêi mâu kăn ki veăng ai mâ a rôh trâm mâ.

Kăn xiâm pơkuâ hnê ngăn cheăng Đảng rơhêng vâ tung la ngiâ ah khu ki rơkê, khu ki hriăn ‘na khoa hok, văn ngê̆ sih tơnêi têa pơtối mơdêk khôi hmâ kơnía git, pleăng tơdroăng ki rơkê plĕng, tuăn ngoâ, pơtối tơmiât pêi rơkê hên tơdroăng, tơmeăm ki kân, ki kơnâ, rơtế ƀă Đảng, Tơnêi têa ƀă kuăn pơlê khŏm mơ-eăm mơjiâng Tơnêi têa hơniâp lĕm, tơniăn krê, kro mơdrŏng, hơniâp ro tung chal nếo.