A rôh trâm mâ ai 44 khu pú hên, mâu ngế krê châ pơkâ thế diâp, diâp ăm inâi “Ngoh khên tơnôu Khu lêng kring vế Kuăn pơlê”; 78 Me dái Quân công, 735 Medái Chiến công, 59 Medái Pêi cheăng, lối 3 rơpâu Me dái Rak vế Tơnêi têa, 3 Medái Khên tơnôu ƀă lối rơtuh ngế khu pú hên, ngế krê châ mâu khu râ diâp ăm pri.

Malối, drêng tơbâ 80 hơnăm Hâi mơjiâng Kŏng an Kuăn pơlê châ diâp Medái Hơlŏng trĭng rôh má pơtăm. Kố cho tơdroăng ki kơnía khât, hơtôu tung khu tơrŭm ƀă hâk tơngăm drêng châ pôa Tô Lâm, Kăn xiâm pơkuâ hnê ngăn cheăng Đảng trâm mâ, mơhnhôk 40 ngế Ngoh khên tơnôu ƀă nhŏng o rơpŏng hngêi mâu ngoh khên tơnôu Khu lêng kring vế Kuăn pơlê.

 57 ngế lêng tơ’noăng lâp tơnêi têa ƀă 246 ngế ki kơhnâ rơkê, cho mâu ngế ki kơhnâ tung tơ’noăng dêi khu kŏng an mâu kơvâ tung lâp luâ tơnêi têa, hâk tơngăm châ vêh tơbleăng ăm kăn pơkuâ Đảng, Tơnêi têa ƀă Khu xiâm Kŏng an.