Klêi leh tơdah leh tơdah  kân krip kơhâi dế hâi lơ 07/10/2024 (tiô chôu tơnêi têa) a Điện Elysée, Paris, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng hôp tơpui ƀă pôa Emmanuel Macron, Kăn xiâm pơkuâ kong têa Pơhlăng. A rôh hôp, péa ngế kăn hiăng tơpui tâi tâng tơdroăng cheăng kâ-rêh ối dêi rêm tơnêi têa, tơdroăng tơrŭm pơla péa pâ ƀă mâu tơdroăng tung kơpong, lâp plâi tơnêi, ki péa pâ rơtế vâ ‘nâi plĕng.

Péa pâ vâ môi tuăn thăm mơdêk tơrŭm cheăng tơpui kâ tơrá mâu kăn, malối cho kăn xiâm ing mâu ƀâng Đảng, Tơnêi têa, Chin phuh, Kuô̆k hô̆i. Péa ngế kăn vâ môi tuăn tơbleăng mơnhông tơrŭm cheăng tung tŭm tơdroăng ƀă môi tuăn mâu troăng hơlâ ki pâ vâ mơnhông tơrŭm cheăng tung tŭm tơdroăng pơla Việt Nam - Pơhlăng rế trâu rơdâ, ai pơxúa, tơtro ƀă tơdroăng tơrŭm cheăng pơla péa tơnêi têa tung tơdroăng rêh ối nếo. Ƀă pơkâ mê, Pơhlăng chiâng kong têa ki apoăng tung EU ai tơdroăng tơrŭm cheăng tung tŭm tơdroăg ƀă Việt Nam