A rôh krếo phôn tơpui tơno, péa ngế kăn hiăng tối ăm dêi rơpó ‘nâi ‘na tơdroăng dêi rêm Đảng, rêm tơnêi têa; tơpui ‘na tơdroăng tung kơpong ƀă mâu kong têa, tơrŭm cheăng pơla péa Đảng, péa tơnêi têa ƀă mâu tơdroăng kal ki péa pâ rơhêng vâ ‘nâi plĕng; tăng ngăn ƀă tối tơdroăng tơrŭm cheăng tung pơla hdrối kô nah ƀă môi tuăn dêi rơpó mâu troăng hơlâ ki kal vâ pro trâu rơdâ tâ nếo tơrŭm cheăng péa Đảng, péa tơnêi têa tung la ngiâ.

Péa ngế Kăn xiâm vâ môi tuăn pơtối cho kăn xiâm vâ pơtối mơdêk tơrŭm cheăng drăng ƀâng tơpui dêi Đảng, ƀâng dêi tơnêi têa, mơnhông loi nhoăm kal kí, tơpui ‘na tơdroăng lăm pôu dêi rơpó tơrá mâu kăn xiâm, kơvâ cheăng, kong pơlê; pơtối rak luât tơrŭm nôkố xuân môi tiah mâu tơdroăng tơhrâ tơrá mâu kăn ki ê; pơtối ăm dêi rơpó ‘nâi mâu tơdroăng teăm tơdrêng, kơ-êng dêi rơpó vâ ‘nâi mâu tơdroăng tung lâp plâi tơnêi, tung kơpong, mâu tơdroăng tơdjâk troh ‘na tơrŭm péa tơnêi têa, veăng mơnhông tơrŭm cheăng Đảng, péa tơnêi têa rế xông tơƀrê khât tung mâu hơnăm la ngiâ, pêi cheăng ai pơxúa ăm kuăn pơlê péa tơnêi têa.