A rôh tơdah, pôa Tô Lâm - Kăn xiâm pơkuâ ngăn Đảng tối hneăng lăm pôu ai pơxúa kal khât, veăng ‘no hnoăng a cheăng pêi trâu krá tâ tung tơrŭm tŭm tơdroăng cheăng pơla Việt Nam - Nhuk. Pôa Tô Lâm - Kăn xiâm pơkuâ ngăn Đảng tối Việt Nam mơ-eăm pêi tơdroăng pơ’lêh nếo tung kơvâ ‘mâi hơ’lêh luât pêi cheăng, tơbleăng mâu tơdroăng cheăng, troăng hơlâ tung “pŭn tơdroăng ki xiâm” ƀă ki mơ-eăm tơƀrê ƀă mơnhông khoa hok, kơmăi kơmok, pơ’lêh nếo, rah iâ mơngế cheăng pro rế lĕm khu kăn cheăng dêi tơdroăng kal kí, tah xơpá a mâu tíu tơvâ tơvân vâ po troăng vâ po todroăng mơnhông tơƀrê, ngăn kơpong cheăng kâ krê dêi kuăn pơlê cho xiâm ki kal dêi tơdroăng cheăng kâ, mơ-eăm tơrŭm cheăng ƀă lâp plâi tơnêi trâu rơdâ, pơxúa tơƀrê, pro hlâu má môi ăm kuăn pơlê ƀă khu mơdró tung tơnêi têa ƀă kong têa ê.

Pôa Tô Lâm Kăn xiâm pơkuâ ngăn Đảng pơkâ thế péa pâ mơdêk tơrŭm, tối ‘na troăng hơlâ, ki môi tuăn dêi rơpó a mâu rôh hôp kân lâp plâi tơnêi ƀă tung kơpong, malối tung pơla lâp plâi tơnêi ƀă tung kơpong ai hên tơdroăng pơ’lêh nếo.