Ngế pro xiâm phŏ hnê ngăn tơnêi têa mơnhên tối khât ki tơƀrê ‘no liăn cheăng, tê mơdró dêi Grup pơkuâ LG tối tơdjuôm ƀă Kŏng ti LG Display tối krê a Việt Nam, veăng kum tung mơnhông mơdêk cheăng kâ rêh ối pơlê pơla a Việt Nam, veăng kum pro trâu rơdâ tơ’nôm tơrŭm cheăng tung la ngiâ tâi tâng Việt Nam – Hàn Quốc.

Ngế pro xiâm phŏ hnê ngăn tơnêi têa rơhêng vâ Grup pơkuâ LG pơtối po rơdâ ‘no liăn cheăng a Hải Phòng ƀă mâu kong pơlê ki ê dêi Việt Nam; pơkâ thế Grup pơkuâ ‘no liăn mơjiâng bro môi tíu xiâm hriăn ngăn mơnhông a Việt Nam. Tơdrêng a mê hlối ăm ‘nâi Ngế pro xiâm hnê ngăn Chin phuh nếo kĭ pơkâ ‘mâi rơnêu Túa pơkâ tơdjuôm dêi Pơlê kong kân Hải Phòng troh hơnăm 2040, hnoăng cheăng troh hơnăm 2050 ƀă ki xiâm ‘mot tơ’nôm tơnêi vâ mơnhông cheăng kơmăi kơmok, ing mê, pro tơ’lêi hlâu ăm mâu khu ‘no liăn cheăng, tung mê ai Grup pơkuâ LG po rơdâ ‘no liăn cheăng a Pơlê kong kân Hải Phòng.