Kố cho rôh hôp apoăng dêi Khu hnê mơhno vâ tơpui tơno mâu tơdroăng ki hiăng pêi klêi ‘na tơdroăng ki ăm mung liăn ODA, tơdroăng kĭ ‘no liăn ăm mâu tơdroăng tơkêa, xuân môi tiah pơkâ mâu troăng hơlâ pơkuâ ngăn ƀă xúa liăn ODA tung la ngiâ. Pôa Trần Lưu Quang, Ngế pro xiâm phŏ hnê ngăn tơnêi têa mơnên mâu khu ki tŏng kum, khu ki tơrŭm hiăng kum hên tơdroăng kơjo, tŏng kum ăm Việt Nam tung pơla hdrối nah.

Laga tâi tâng kơxô̆ liăn mung mâu tơdroăng tơkêa ODA ăm Việt Nam ối iâ tâng pơchông ƀă mâu kong têa ki ê tung kơpong, bu dâng 1/4 dêi Kul, 1/11 dêi Philipines ƀă 1/12 dêi Indonesia. Ngế pro xiâm phŏ hnê ngăn tơnêi têa xuân ăm ‘nâi tơdroăng ki ‘no liăn ODA ối hrá, ƀă dâng 50% kơxô̆ liăn châ ‘no tung pơla 2021 – 2025.

Tung la ngiâ, pôa Trần Lưu Quang, Ngế pro xiâm phŏ hnê ngăn tơnêi têa rơhêng vâ mâu khu ki tŏng kum tối mâu túa ki rak ngăn rơkê, tơ’lêi tâ; ai kơjo, tŏng kum ăm mâu tơdroăng ki tơviah dêi Việt Nam.