A rôh trâm mâ, Kăn xiâm hnê ngăn Kuô̆k hô̆i tối Việt Nam đi đo nhuô̆m ƀă púi vâ mơdêk tơrŭm cheăng tung hên kơvâ cheăng ƀă Hungary, cho kong têa ki tơrŭm ƀă tung tâi tâng tơdroăng ki apoăng ƀă ki má môi nôkố dêi Việt Nam a kơpong Trung Đông Âu. Kăn xiâm phŏ hnê ngăn Kuô̆k hô̆i púi vâ péa pâ pơtối mơdêk trâm mâ tơpui tơno tơrá mâu kăn rêm râ, malối cho mâu kăn xiâm, tung tâi tâng mâu ƀâng Đảng, Chin phuh, Kuô̆k hô̆i ƀă hlối trâm mâ kuăn pơlê vâ ‘mâi mơnhông ƀă mơdêk tâ nếo ki loi nhoăm kal kí ƀă hlê plĕng dêi rơpó, pro xiâm vâ po rơdâ tơrŭm cheăng péa pâ tung tŭm tơdroăng.

Kăn xiâm phŏ hnê ngăn Kuô̆k hô̆i Hungary tối Việt Nam cho tơnêi têa ki tơrŭm cheăng má môi dêi Hungary a Đông Nam Á.  Kuô̆k hô̆i Hungary đi đo mơ-eăm chiâng môi tíu xiâm ki kal tung tơrŭm cheăng  pơla péa tơnêi têa.