Pêi pro tiô hnê mơhno kơxô̆ 24 dêi Khu xiâm kal kí ‘na tơdroăng pơtối rôu tăng, chiâ xo, tơkŭm kơxêng kiâ mố đô̆i hlâ ai hnoăng troh nôkố, Khu kố hiăng kơjo kum lăm tăng ƀă tơdroăng pêi pro mơnhên hlối ƀă ‘nâi tíu mê ai kơxêng kiâ ki ôh tá ‘nâi mâu tơdroăng ƀă hlối mơnhên ngăn ADN, tơvêh ăm lối 1.250 ngế hlâ ai hnoăng. Kơjo kum djâ lối 1.600 kơxêng kiâ ing mâu ilâng vêh a pơlê vâ ‘mé.

Tơbleăng a rôh pêi cheăng, Phŏ Kăn hnê ngăn Kuô̆k hô̆i, Thượng tướng Trần Quang Phương ăm ‘nâi, rak ngăn mơngế ai hnoăng tối tơdjuôm ƀă nhŏng o mơngế ai hnoăng, rơpŏng hngêi ai ngế hlâ ai hnoăng tối krê, kố ôh tá xê to tuăn pâ, hnoăng cheăng pêi, cho tơdroăng ki pâ khât cho tơdjêp, xiâm tuăn vâ, mơhno tuăn mơ-eăm khât dêi hdroâng mơngế tung rơxông nếo, ƀă mê cho xiâm ki ăm tơnêi têa. 

Ƀă tơdroăng mơnhông tơƀrê dêi pơ’lêh kơxô̆, kŏng ngê kơxô̆, klêi mơjiâng Hngêi rak liăn ngân dêi mâu ai hnoăng, Phŏ Kăn hnê ngăn Kuô̆k hô̆i tơngăn kố tăng tơ’nôm vâ châ hlo hên mơngế ki hlâ ai hnoăng tung la ngiâ.