Roh lăm pôu pêi cheăng dêi pôa Trần Thanh Mẫn ƀă Khu râ kăn tơnêi têa hiăng châ tơƀrê lĕm tro, châ tâi tâng ƀă tơkâ hluâ mâu pơkâ mơ’no, lôi ăm tơdroăng ki má môi tung hên troăng. Tung mâu roh lăm pôu pêi cheăng păng ‘nâng kong têa Senegal, Maroc, Kăn xiâm hnê ngăn Kuô̆k hô̆i hiăng ai mâu roh tơpui tơno, trâm mâ ƀă khu râ kăn xiâm dêi rêm kong têa; veăng Tơpui tơno Troăng hơlâ mơdêk tơrŭm Việt Nam – Senegal; Tơpui tơno troăng hơlâ Mơdêk tơrŭm cheăng Việt Nam – Marocco.

Hiăng ai 8 tơdroăng môi tuăn châ kĭ tơkêa tŭm péa tơnêi têa. Ki rơhêng vâ tối a Swiss, Kăn xiâm hnê ngăn Kuô̆k hô̆i hiăng veăng tơpui tơno ‘’Mơjiâng ƀă xúa Tíu xiâm pơkuâ liăn ngân lâp plâi tơnêi – Pơkâ thế ăm Việt Nam’’. Roh lăm pôu pêi cheăng dêi Kăn xiâm hnê ngăn Kuô̆k hô̆i ƀă Khu râ kăn teăng mâ râ tơnêi têa hiăng pro thăm hlê plĕng, loi tơngah kal kí, ki rơhêng vâ tối a râ kăn xiâm, kum pro trâu hơngế tâ, tâi tâng tâ tơrŭm cheăng ƀă mâu kong têa, ki má lối cho bâng Kuô̆k hô̆i râ má môi.