Kố cho tíu ki roh ton nah ƀă Pôa Hồ Chí Minh, Kăn xiâm hnê ngăn tơnêi têa ƀă Khu xiâm tơnêi têa rơxông tơplâ xâ tơleăng lĕm hdroâng mơngế, tíu tơkŭm po Hneăng hôp Kuô̆k yân hâi lơ 16/8/1945 – tơdroăng ki xiâm mơjiâng Kuô̆k hô̆i Việt Nam. Xông tơpui a tơdroăng ki kal, Kăn xiâm hnê ngăn Kuô̆k hô̆i kheăn kơdeăn tơdroăng mơ-eăm Tuyên Quang tung tơdroăng rak, mơnhông khôi túa kăch măng, tơdrêng amê tối rơdêi, hnoăng dêi kong pơlê tung hnê hriâm khôi túa lĕm vâi krâ nah ăm rơxông ối nếo.

Pôa pơkâ thế kong pơlê pêi pro châ tơƀrê mâu hnê mơhno pôa Tô Lâm, Kăn xiâm pơkuâ hnê ngăn Đảng, tơdrêng amê pêi pro lĕm tro mâu luât, pơkâ Kuô̆k hô̆i nếo tơbleăng. Kăn xiâm hnê ngăn Kuô̆k hô̆i mơnhên, Kuô̆k hô̆i kô tơrŭm ƀă Tuyên Quang tung tơdroăng rơnêu tíu chôu ‘măn tơmeăm roh ton nah, tơkŭm po mâu tơdroăng lăm ngăn, kum pro troh lâp lu ki kơnâ tơdroăng roh nah Tân Trào troh pơlê pơla.