A rôh trâm mâ, Kăn xiâm hnê ngăn Kuô̆k hô̆i tối nhên, mâu kong têa Đông Nam Á ƀă ASEAN cho mâu kong têa ki kal, cho kong têa ki pêi ahdrối má môi ƀă cho mâu kong têa ki ôh tá chiâng tơklâ tung luât pơkâ tơpui kâ dêi Việt Nam. Pôa Trần Thanh Mẫn, Kăn xiâm hnê ngăn Kuô̆k hô̆i tối: “Việt Nam púi vâ mơnhông ƀă po rơdâ tâ nếo tơrŭm cheăng ăm tơtro ƀă tơdroăng cheăng dêi khu tung tơdroăng tơrŭm pơla rêm pâ ƀă tơrêm kong têa ki ối tung khu ASEAN, malối cho mâu kơvâ tơrŭm cheăng ki tơmeăm ai hlâu, ai tiô tơdroăng púi vâ mơnhông tơƀrê xúa vâ pơxúa ƀă hơniâp lĕm dêi tơrêm kong têa.

Pakĭng mê, kum vâ rĕng teăm mâu kong têa ki mơnhông tơdjuôm lâp plâi tơnêi. A loi khât tiah kố, tơdroăng ‘mâi mơnhông tuăn lo, tơrŭm môi tuăn, veăng kum dêi rơpó tung tơrŭm cheăng, hmâ ƀă dêi rơpó pơla Việt Nam ƀă mâu kong têa tung khu ASEAN xuân veăng ‘no hnoăng ki kal veăng mơnhông rơdêi, kro mơdrŏng tơdjuôm dêi mâu kong têa tung ASEAN”.