A roh trâm mâ, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, Đảng, Tơnêi têa đi đo tơmâng mâu khu tê mơdró tối tơdjuôm ƀă Grup pơkuâ Kơmăi kơmok – On tơhrik Tơnêi têa Việt Nam tối krê. Kăn xiâm hnê ngăn Kuô̆k hô̆i tối tơbleăng, Vi ƀan pơkuâ Kuô̆k hô̆i nếo tơpui tối vâ tơbleăng Kuô̆k hô̆i tơbleăng tơdroăng ‘mâi rơnêu Luât pơkuâ ƀă mơ’no liăn tơnêi têa a khu tê mơdró. Tơdroăng ‘mâi rơnêu luât kố kô pro tơ’lêi hlâu troăng pêi hlâu lĕm, tah lôi pá puât ăm mơjiâng tơmeăm khoăng tê mơdró.

Tung pơla kố nah, Kuô̆k hô̆i, Chin phuh xuân hiăng ‘mâi rơnêu hên tơdroăng tơkêa bro luât tiô hiâm mơno tah lôi tíu kreăng vâ tơnêi têa mot tung rơxông nếo, chal mơ-eăm xông mơ-eăm dêi hdroâng mơngế  ƀă châ tơtêk lối 8% tung hơnăm kố. Kăn xiâm hnê ngăn Kuô̆k hô̆i kheăn kơdeăn Grup pơkuâ pêi pro tơdroăng rêh ối pơlê pơla châ tơƀrê, kum mơjiâng hngêi trung, kông troăng, hngêi tuăn pâ, hngêi tơrŭm môi tuăn, gum kuăn pơlê hbrâ ví drêng kong prâi pro ôh tá tơniăn, pơreăng xông tâ tú.