Hâi lơ 12/1, pôa Trần Thanh Mẫn, Kăn xiâm phŏ hnê ngăn Kuô̆k hô̆i hiăng troh pôu, rơkâu Têt a bêng Tân An, pơlê krâm Ninh Kiều, pơlê kong kân Cần Thơ. Pôa Trần Thanh Mẫn ai tối tiah kố, nôkố a pơlê kong kân Cần Thơ ối ai hên rơpŏng xơpá, xua mê rơhêng vâ khu kăn pơkuâ pơlê kong kân kal tơmâng ngăn tâ nếo troh mâu rơpŏng ki ai hnoăng tơnêi têa, rơpŏng kơtuê, kŏng nhân, mâu ngế pêi cheăng vâ mơ-eăm hluăn ing kơtiê krá ton. Tơdrêng a mê hlối pêi pro châ tơƀrê troăng hơlâ pơkâ ki xiâm mơnhông pơlê kong kân vâ chiâng ivá mơnhông dêi tá kơpong tơbăng kroăng Cửu Long.

Drêng kố, pôa Trần Thanh Mẫn hiăng diâp 50 kơxuô tơmeăm, rêm kơxuô kơnâ 1,5 rơtuh liăn ăm mâu rơpŏng ai hnoăng tơnêi têa, rơpŏng kơtiê, kŏng nhân, mâu ngế pêi cheăng ai tơdroăng rêh ối xơpá a bêng Tân An, pơlê krâm Ninh Kiều, pơlê kong kân Cần Thơ.