Kơxo hâi lơ 13/1, a Hà Nội, Khu xiâm hnê mơhno Đảng tơkŭm po roh hôp mơgêi hnoăng cheăng hơnăm 2022, pơkâ mơ’no tơdroăng cheăng troh a hơnăm 2023. Xông tơpui ƀă hnê mơhno a roh hop mê, pôa Võ Văn Thưởng ai tối nhên, tung la ngiâ kố ah, tơdroăng tung lâp plâi tơnêi ƀă tung tơnêi têa pin ai mâu tơdroăng ki châ tơ’lêi ƀă pơloăng mơnúa, tơ’lêi hlâu ƀă xahpá pơtâ dêi pó, hnoăng cheăng ki xiâm mê cho tơrŭm tơpoui kâ ƀă kong têa vâi cho kal kân  khât ‘nâng.

Ing tuăn hiâm tiah mê, pôa Võ Văn Thưởng hiăng pâ thế Khu xiâm hnê mơhno cheăng Đảng kal pơtối hnê mơhno, tơkŭm po châ tơƀrê mâu troăng hơlâ ki tơrŭm tơpui kâ tiô Hneăng hôp kân Đảng má 13 ƀă mâu tơdroăng pơkâ thế ki ê, tơdroăng tơdjâ hnê mơhno dêi Khu xiâm ngăn cheăng kal kí ƀă Khu hnê mơhno ki ai tơdjâk troh tơdroăng cheăng tơrŭm tơpui kâ, vêh mơnhên mâu tơdroăng tơkêa pêi, mâu troăng hơlâ túa cheăng ăm i tơtro ki păng ‘nâng.

Tơdrêng amê, kal athế ngăn khât ‘na hnoăng cheăng veăng tơpui tối krá tơniăn ton, thăm mơdêk tơrŭm ƀă mâu kong têa ê pơtối pêi pro trâu rơdâ, krá tơniăn, ki tơtro păng ‘nâng, krá tơniăn ton.