Xông tơpui a hneăng hôp, Pôa Vương Đình Huệ, Kăn xiâm hnê ngăn Kuô̆k hô̆i mơnhên, kheăn kơdeăn Mât trâ̆n Tơnêi têa Việt Nam, mâu khu tơrŭm cheăng hiăng đi đo hlê plĕng trâu hơngế troăng tơmiêt pêi dêi Hneăng hôp roh má XIII dêi Đảng ‘na mơnhông kuăn pơlê pơkuâ dêi hnoăng cheăng xah hô̆i chuh ngiah, mơjiâng ƀă mơnhông ivá khu tơrŭm môi tuăn tâi tâng hdroâng kuăn ngo, pêi pro châ tơƀrê troăng pơkâ pêi “Đảng hnê mơhno, Tơnêi têa pơkuâ, Mât trâ̆n Tơnêi têa ƀă mâu khu tơrŭm cheăng kal kí – rêh ối pơlê pơla pro xiâm” ƀă troăng pêi: “kuăn pơlê ‘nâi, kuăn pơlê tơpui, kuăn pơlê pêi, kuăn pơlê séa ngăn, kuăn pơlê châ pơxúa”.

Tung la ngiâ, pôa Vương Đình Huệ pơkâ thế péa kơ koan pơtối thăm tơrŭm tung tơdroăng rak krá tơniăn khu rŭm môi tuăn tâi tâng hdroâng mơngế; tíu ivá kân kĭn, tơdroăng ki pơkâ ƀlêi trâng tơdroăng mơjiâng ƀă gâk kring Tơnêi têa.