Pôa Vương Đình Huệ, Kăn xiâm hnê ngăn Kuô̆k hô̆i ối tung rơpŏng pro kăch măng, veăng pêi cheăng ing hơnăm 1979 cho yăo sư, tiê̆n sih kinh tế. Hâi lơ 9 khế 3 hơnăm 1984, châ mot Đảng drêng dế hnê a hngêi trung đăi hok tài chính kế toán Hà Nội.

Tơpui a rôh leh, jâ Trương Thị Mai, Ngế ki ai mâ đi đo Tung khu pơkuâ ngăn Đảng, Ngế xiâm pơkuâ Khu tơrŭm tíu xiâm Đảng tối nhên, tung plâ 40 hơnăm ối tung Đảng, maluâ a mâu tơdroăng ki lâi, ối a tíu pêi cheăng ki lâi, pôa Vương Đình Huệ đi đo môi hiâm mơno ƀă Đảng, ƀă Tơnêi têa ƀă kuăn pơlê, pêi pro tiô chuh nghiah Mác - Lênin, hiâm mơno Hồ Chí Minh, ki xiâm dêi tơdroăng cho tơniăn krê hdroâng mơngế ƀă chuh nghiah xah hô̆i.

Pôa ôh tá la lâi pơtê hriâm tâp, hriâm pât, mơdêk tơdroăng ki djâ troăng ahdrối rơtế ƀă mâu khu pú hên Khu pơkuâ ngăn tíu xiâm tơnêi têa, Khu xiâm pơkuâ tơdroăng kal kí, Khu pơkuâ hnê ngăn Đảng đi đo mơ-eăm ôh tá la lâi pơtê kum ăm hnoăng cheăng hơ’lêh nếo, mơjiâng ƀă rak vế Tơnêi têa.