Tơbleăng hnê mơhno hneăng hôp, pôa Trần Lưu Quang, Ngế xiâm phŏ hnê ngăn Chin phuh tối nhên: Dak Nông kal rah xo tung tơdroăng ‘no liăn mơjiâng tơmeăm khoăng tơ’mot khu ‘no liăn cheăng. Ki hdrối kal tơleăng mơnhên 2 tơdroăng, pơkâ chiâ xo tơmeăm khoăng tung kơdâm tơnêi ƀă pơkâ xúa tơnêi. Pơkâ hdró nôkố hâi tơleăng klêi tơdrêng mâu tơdroăng ki tơvâ tơvân, la hiăng ai troăng mơhno vâ pêi tung la ngiâ.

Pôa Trần Lưu Quang - Ngế xiâm phŏ hnê ngăn tơnêi têa ăm Dak Nông 8 chư “pêi pro tro, beăn rơkê, tơdâng tơ’mô, hlê dêi rơpó” vâ mơnhông tơbrê.  Hneăng hôp, kong pơlê Dak Nông  hiăng diâp hlá mơ-eá mơnhên ‘no liăn 4 tơdroăng tơkêa bro ƀă tâi tâng kơxô̆ liăn chêh 1.700 rơtal liăn.

Kong pơlê xuân kĭ tơhrâ chôu pâ tơrŭm cheăng 4 tơdroăng chôu pâ ƀă 4 tơdroăng ‘no liăn chêh inâi ‘no pro 8,4 rơtall dollars Mih, tơkŭm hên a mâu tơmeăm chiâ xo tung kơdâm tơnêi, ‘mâi pro on tơhrik ki nếo, pêi chiâk deăng xúa kơmăi kơmok ki dâi lĕm a mâu tơmeăm khoăng tung kơdâm tơnêi, on tơhrik nếo mơjiâng, pêi chiâk deăng xua kơmăi kơmok ki dâi lĕm ƀă hên tơdroăng ki ê.