Pơkâ pêi dêi pơkâ pêi pro cho mơnhông inâi pơlê kong kơdrâm ôm hyô pơtê lăm ngăn têa kơxĭ ƀă mâu kong têa ƀă lâp plâi tơnêi; ing mơdêk ki dâi lĕm tíu tơdah tơmối ƀă ôm hyô pơlê kong krâm, pro hâk vâ mâu khu mơ’no liăn ôm hyô ki má môi lâp plâi tơnêi, ai hên tơmeăm ôm hyô, xúa krá tơniăn tơmeăm ôm hyô ai nôkố ƀă mâu tơdroăng ki má môi ki ê tung tíu kĭng têa kơxĭ, tíu a rơlố ƀă tíu lĕm mơnâ mâ ngăn kuăn kiâ kong.

Pơlê kong kơdrâm Nha Trang kô cho tíu kơdrâm kuăn pơlê rêh ối tê mơdró, tíu xiâm cheăng kâ, kal kí, khôi túa lĕm tro, rêh ối pơlê pơla, khoa hok, kŏng ngê̆, hnê mơjiâng mơngế pêi cheăng; mơnhông châ tơƀrê tâ hnoăng cheăng môi tơdroăng ki tơtêk ki kal, tíu bo cheăng mot tơrŭm lâp plâi tơnêi dêi kong pơlê Khánh Hòa.

Pơlê kong kơdrâm Nha Trang xuân cho tíu xiâm cheăng kâ, khoa hok kih thuât, hnê hriâm hnê mơjiâng ƀă khăm pơlât dêi kơpong tơbăng achê têa kơxĭ pa hdroh Tơdế Tơnêi têa ƀă Tây Nguyên, tíu xiâm kal kí, cheăng kâ, khôi túa lĕm tro, khoa hok kih thuât dêi kong pơlê Khánh Hòa.