Măng tĭng apoăng Têt Lo hơnăm nếo, a Kơno tuk Tân Cảng - Cát Lái dêi Khu xiâm Kŏng ti Tân Cảng Sài Gòn hiăng tơdah 75 toăng tuk chơ tơmeăm ki tê ăm kong têa ê, mâu tơmeăm tê chơ tơkâ luâ kơno tuk  lối 1 rơtuh tâ̆n tơmeăm, tâk 90% tâng vâ pơchông ƀă hơnăm 2023.

Krê tung kơmăng 30 Têt Lo hơnăm nếo 2024 pơkâ tơmeăm tê, kơno tuk hiăng tơdah 7 to container. Tâi tâng tơmeăm châ xo dju ing mê tung kơmăng pơkâ xo tơmeăm apoăng hơnăm a Kơno tuk Tân Cảng - Cát Lái dâng 105.000 tấn tơmeăm. To tung hâi má 6 Têt, a kơno tuk kố ai 190 khu tơmeăm tê ăm kong têa ê ƀă kơxô̆ liăn châ xo ing tê ăm kong têa ê lối 9 rơtuh 540 rơpâu USD, ki hên cho tơmeăm pê lo ing chiâk deăng, tơmeăm pro ƀă loăng, mâu ká xi xŏng ƀă hên tơmeăm ki ê.

Tung kơxô̆ ki mê, Kŏng ti pêi cheăng tiô rơnó Tơrŭm tê mơdró Tung lâp plâi tơnêi chơ 2 to container dâng 18 tâ̆n kơphế ki hiăng uâ pơliê pro mê cho: Kơphế plâi nong, kơphế po, kơphế pôm hrốu, kơphế plâi nhàu... tê ăm kong têa Australia.