Kơxo lơ 18/1, a Tíu xối tơbâ Đền Hùng - Kơpong tơbâ khu pơtáu Hùng tung tíu ôm hyô dêi kŏng viên ton nah ki lĕm tro dêi pơlê kong kân, Khu kăn pơkuâ hnê ngăn Đảng kong pơlê, Hô̆i đong, Vi ƀan Măt trâ̆n tơnêi têa Việt Nam Pơlê kong kân Hồ Chí Minh tơkŭm po Leh xối pleăng kơƀăn tek ăm kơ pơtáu Hùng drêng troh Têt Lo hơnăm nếo 2023. Kố cho tơdroăng pêi pro ‘na mơhno túa lĕm tro ton nah ki hmâ pêi dêi rêm hơnăm châ Pơlê kong kân Hồ Chí Minh tơkŭm po drêng troh Têt Lo hơnăm nếo, tro tiô khôi lĕm tro hdroâng kuăn ngo, ki lĕm tơviah dêi kuăn pơlê Peăng Hdroh.

Ing mê, kô mơhno tơdroăng khoh ai nôkố kơnôm xua vâi krâ roh nah ƀă hiâm mơno ‘nâi pâ khât troh mâu pơtáu Hùng, mâu jâ pôa ngoh nâ ki hiăng ai hnoăng mơjiâng ƀă rak vế tơnêi têa. Klêi xối pleăng kơƀăn tek ăm pơtáu Hùng, Khu kăn pơkuâ ngăn Đảng pơlê kong kân, Hô̆i đong hnê ngăn, Vi ƀan hnê ngăn, Vi ƀan Măt trâ̆n tơnêi têa Việt Nam Pơlê kong kân Hồ Chí Minh hiăng troh lăm pôu chôu nhang ăm kơ Đức Lễ Thành hầu Nguyễn Hữu Cảnh.