A rôh hôp má 29 pơla hdrối kố nah, Vi ƀan pơkuâ Kuô̆k hô̆i hiăng ăm rơkong tơpui tối ‘na tơdroăng tơpui tối leăng, tơmâng xo, ‘mâi rơnêu kơxop hlá Luât Khu tơrŭm ăm mung liăn ki ‘mâi hơ’lêh. Klêi kơ’nâi rôh hôp, Khu pơkuâ Vi ƀan Cheăng kâ hiăng pêi cheăng ƀă mâu kơ koan ki ai tơdjâk vâ séa ngăn, tơmâng mâu rơkong tơpui tối Mơgêi dêi Vi ƀan pơkuâ Kuô̆k hô̆i pêi klêi kơxop hlá mơéa Luât.

Kơxop hlá mơ-éa Luât mâu khu tơrŭm ăm mung liăn ki ‘mâi hơ’lêh klêi kơ’nâi hâng tơpui tối leăng tung mê ai 15 chương ƀă 210 tơdroăng, tâk 10 tơdroăng tâng pơchông ƀă kơxop hlá mơ-éa Luât pơtroh ăm Hneăng hôp má 6.

A rôh hôp kố, Vi ƀan pơkuâ Kuô̆k hô̆i ăm rơkong tơpui tối ‘na mâu troăng hơlâ tŏng kum khu tơrŭm ăm mung liăn rĕng châ tŏng kum; ‘Na pơkâ pơtối pơtroh mâu tơdroăng ki kal dêi Pơkâ; ‘Na mơnhên tối ki tơdjâk.