Po tung 2 hâi, a rôh hôp kố, Vi ƀan pơkuâ Kuô̆k hô̆i ăm rơkong tơpui ‘na mâu kơxop hlá mơ-éa Luât kô châ pơtroh ăm Kuô̆k hô̆i a Hneăng hôp má 7 vâ séa ngăn rôh apoăng. 5 kơxop hlá mơ-éa Luât châ ăm veăng tơpui tối a rôh hôp chuyên đề Luât rôh kố cho: Luât Công chứng (‘mâi hơ’lêh); Luât Kŏng đoân (‘mâ hơ’lêh); Luât Hbrâ mơdât tê roê mơngế (‘mâi hơ’lêh); Luât Pơkuâ ngăn xúa pháu hnêa trếo pơtôu ƀă kế tơmeăm ki ê ki ‘mâi hơ’lêh ƀă Luât Hbrâ mơdât xía vâ a hbo plêng ăm kuăn pơlê.

Tiô pôa Vương Đình Huệ, Kăn xiâm hnê ngăn Kuô̆k hô̆i, Luât Hbrâ mơdât xía vâ ing hbo plêng ăm kuăn pơlê cho kơxop hlá mơéa Luât nếo, troăng hơlâ hơ’lêh mâu túa tơmiât troăng hơlâ dêi Đảng ‘na tơdroăng cheăng tung la ngiâ rak vế tơnêi têa tung chal nếo.

A rôh hôp kố, Vi ƀan pơkuâ Kuô̆k hô̆i xuân ăm rơkong tơpui ƀă kơxop hlá mơéa chêh hbrâ Pơkâ ‘na tíu cheăng pêi ƀă Khu kăn Kuô̆k hô̆i pêi cheăng khât tung tíu xiâm, kăn ƀô̆ kong chưk ối tung hnoăng pơkuâ ngăn dêi Vi ƀan pơkuâ Kuô̆k hô̆i.