A cheăm Ea M’nang, tơring Čư̆ Mgar, kong pơlê Dak Lak hâi lơ 6/4 ai kong mê kân hlối ai khía jâ kơdo pro tơtêa hên kuâ hngêi kuăn pơlê, tơđôu trăng, kơtê  kơxái on tơhrik chiâng pâ on tơhrik tung lâp lu. Khía jâ kơdo hiăng pêi tơtêa tôl tro a troăng kơxái on tơhrik 472 Čư̆ Mgar; tơdrêng amê hlối ai tơro tê pro kơtê 3 pro kơxái mơ’no on tơhrik ki ê, pro vâ chê 1.400 rơpŏng kuăn pơlê ôh tá ai on tơhrik.

‘Mâi rơnêu kế tơmeăm klêi kơ’nâi kong mê khía jâ kơdo, hâi kố, mâu khu ki tơdjâk a cheăm rơtế ƀă kuăn pơlê dế tŏng kum mâu rơpŏng lêm dêi kuâ hngêi. Peăng kơvâ on tơhrik, a kơxê lơ 6/4, On tơhrik Dak Lak hiăng krếo thế khu ki rơnêu, mâu rơxế, kế tơmeăm vâ ‘mâi rơnêu. Troh 20 chôu rơtế tung hâi, on tơhrik Čư̆ Mgar hiăng châ ‘mâi klêi hiăng vêh mơ’no on tơhrik ăm kuăn pơlê.