Hơnăm 2023, tơtêk ‘na cheăng kâ dêi Việt Nam xuân châ lối 5%. Kơlo têk chu rơpŏng kơtiê pơtối chu kơdroh u ối 3%. Pơkâ kum rêh ối pơlê pơla pơtối châ kơjo hên ƀă rak a kơlo vâ chê 3% GDP tung hên hơnăm. Hơnăm 2023, Việt Nam pơtối tê ngi kong têa ê lối 8 rơtuh tâ̆n phái, veăng kum tơniăn bê kế kâ ƀă hnoăng châ kế kâ ăm rơtuh ngế a mâu kơpong tung lâp plâi tơnêi.\

Ing ƀai xông tơpui, Ngế xiâm Bùi Thanh Sơn pói vâ troh lâp lu pú hmâ lâp plâi tơnêi tơdroăng pơtâng hnê tối tơdroăng dêi Việt Nam tiah kố: Việt Nam xo vế châ tung hên hơnăm hiăng hluâ cho mâu hnoăng kuăn mơngế kô châ tơniăn lĕm má môi drêng ai hơniâp lĕm, tơniăn ƀă nhuô̆m luât lâp plâi tơnêi, tung mê Tơnêi têa ‘măn kuăn kuăn pơlê a Tíu xiâm tung rêm troăng hơlâ dêi tơná vâ tơniăn mơnhông tâi tâng ƀă krá tơniăn.