Hâi lơ 3/4, a Pơlê kong kân Cần Thơ, Hô̆i đong hdroâng kuăn ngo dêi Kuô̆k hô̆i tơkŭm roh hôp tâi tâng roh má 6 ƀă hên tơdroăng xiâm châ tơpui tơno. Tung mê, tơpui tung mâu tơdroăng xiâm kum ăm hneăng hôp má 5, Kuô̆k hô̆i hneăng má 15 ƀă séa ngăn, tơpui mâu tơdroăng xiâm ki kal tơdjâk troh tơdroăng hdroâng kuăn ngo. Veăng roh hôp ai pôa Trần Thanh Mẫn, Kăn cheăng tung Khu xiâm kal kí, Kăn xiâm phŏ hnê mơhno má môi Kuô̆k hô̆i tối rơdêi, Đảng ƀă Tơnêi têa đi đo tơmâng, pơkâ mơ’no ƀă pêi pro hên troăng pơkâ pêi, troăng hơlâ hdroâng kuăn ngo, kum mơjiâng tơdroăng tơniăn, mơnhông mơdêk, mơdêk tŭm tơdroăng rêh ối kế tơmeăm khoăng ƀă hiâm mơno ăm vâi krâ mâu hdroâng kuăn ngo.

Mơhno nhên ing Tơdroăng pêi dêi Chin phuh ƀă pêi pro séa ngăn tung dế hneăng dêi Kuô̆k hô̆i tơdroăng pêi pro Pơkâ kơxô̆ 88 ƀă Pơkâ kơxô̆ 120 Kĭ tơdroăng tơkêa bro tâi tâng ƀă Troăng hơlâ mơ’no liăn Tơdroăng pơkâ xiâm tơnêi têa mơnhông mơdêk cheăng kâ, rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2030.