Tơpui mơgêi rôh hôp, pôa Trần Quang Phương, Kăn xiâm phŏ hnê ngăn Kuô̆k hô̆i, thươ̆ng tươ̆ng tối nhên, hơnăm 2024 cho hơnăm ki apoăng xúa mâu pơkâ dêi Pơkâ 969.

Vâ pơtối mơdêk ki rơkê, tơƀrê tơdroăng cheăng tơpui tối leăng tro tiô troăng hơlâ dêi Đảng, Tơnêi, bro tơdâng tơ’mô, môi tuăn, hbrâ rơnáu tung tơdroăng tơkŭm po pêi cheăng, Kăn xiâm phŏ hnê ngăn Kuô̆k hô̆i pơkâ thế, mâu kơ koan pơkâ kơtăng tŭm, pêi pro kơtăng mâu tơdroăng ki kal Pơkâ 969, hbrâ rơnáu ‘nâi nhên tơdroăng, tăng ‘nâi, tơkŭm tơdroăng kal tung tối tơbleăng mâu tơdroăng cheăng vâ rah xo tơdroăng ki tơpui tối leăng tung tơdroăng séa ngăn rêm hơnăm dêi Hô̆i đong hdroâng kuăn ngo ƀă mâu Vi ƀan pơkuâ Kuô̆k hô̆i.