Rôh tô téa ó ƀă ki tô tuăn kơtếo tro chếo a Gia Lai
Thứ tư, 11:00, 13/03/2024
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kuăn pơlê Gia Lai dế mot tung rơnó ko kơtếo hơăm 2023-2024. Phiu ro hlo kơtếo hơnăm kố dâi lĕm hlối ai yă, la kuăn pơlê xuân tô tuăn ó há xâu kơtếo tro on chếo la lâi ôh tá ‘nâi xua kong tô ó ton hâi.
Vâ chê 1 khế achê kố, a mâu cheăm, tơring peăng Mâ hâi lo kong pơlê Gia Lai đi đo ai on chếo kơtếo. Hiăng vâ chê 20 ha kơtếo tro on chếo a mâu tơring Kông Chro, Đăk Pơ, Kƀang ƀă pơlê kong krâm An Khê. Kơpong ki pêt hên kơtếo peăng Mâ hâi lo kong pơlê Gia Lai ai tâi tâng tơnêi rơda lối 30 rơpâu ha.
Troh nôkố, kuăn pơlê hiăng ko dâng 65% ƀă deăng pêt kơtếo tung lâp kơpong ƀă kô ko tâi a mơ’nui khế 4 kố ah. Pôa Nguyễn Hoàng Phước, Kăn phŏ pơkuâ Hngêi kơmăi pro Xik An Khê ăm ‘nâi, tíu pêi cheăng kố hiăng tơkŭm po hên rôh hôp ƀă mâu cheăm tơring, mâu kuăn pơlê ki pêt kơtếo, rơtế hbrâ tơbleăng mâu troăng rơhlâ hbrâ mơdât on chếo kơtếo tung pơla rôh kong tô mơdrăng ó môi tiah nôkố.
Viết bình luận