Rơrêk tung hiâm mơno leh tơbâ 64 ngế khên tơnôu hlâ drêng pêi hnoăng cheăng gâk kring rơlố Gạc Ma
Thứ bảy, 10:00, 20/01/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Tung roh lăm pôu, rơkâu Têt Giáp Thìn 2024 a tơring rơlố Trường Sa, kong pơlê Khánh Hòa, Khu râ kăn pêi cheăng Kơpong 4 Khu lêng gâk kring têa kơxĭ tơkŭm po Leh tơbâ mâu ngoh khên tơnôu hlâ tung tơplâ xâ drêng pêi hnoăng cheăng gâk kring rơlố Gạc Ma.
A leh tơbâ, Khu râ kăn pêi cheăng koh tơbâ, pâ mơnê 64 ngế hlâ tung tơplâ xâ nah hiăng khên tơnôu hlâ gâk kring hnoăng pơkuâ têa kơxĭ rơlố dêi Tơnêi têa. Roh leh tơkŭm po tung tơdroăng ki krih tơviah ƀă rơrêk tung hiâm mơno, hên ngế ôh tá kâi kơtôa dêi têa mâ.
Klêi kơ’nâi leh chôu nhang, Khu râ kăn pêi cheăng hiăng pêi pro tơdroăng leh ‘măn hơvĭng reăng, tơmeăm pleăng, rơtế mâu mơ-éa ki luô̆m pro chêm ƀă reăng ki vâ kơ’nê a têa vâ tơbâ troh mâu ngế khên tơnôu hlâ tung tơplâ xâ. Trung tă Bùi Văn Quê, Kăn phŏ pơkuâ Kal kí kơpong 4 Khu lêng gâk kring têa kơxĭ mơnhên, mâu rơxông kăn ƀô̆, mô đô̆i pơtối khôi túa vâi krâ nah khên tơnôu, gâk kring hnoăng pơkuâ têa kơxĭ rơlố dêi Tơnêi têa Việt Nam.
Viết bình luận