Mơđah tơbleăng ‘’Vâi kơdrâi ƀă Điện Biên’’ ai 3 tơdroăng xiâm: Kum pro chiâng tơdroăng ƀlêi trâng Điện Phủ; xua môi Điện Biên mơnhông ƀă Điện Biên – tíu tơkêa troh dêi la ngiâ. Kố cho tơdroăng ki kal ối tung tơdroăng pêi cheăng “Vâi kơdrâi lâp tơnêi têa tơmiât ‘na Điện Biên” klăng leh tơbâ 70 hơnăm Ƀlêi trâng Điện Biên Phủ, vâ tơbêng tơ’nôm mâu hnoăng kân kĭn dêi mâu râ vâi kơdrâi Việt Nam tung lâp lu Tơnêi têa veăng kum hnoăng, kum ivá pro ƀlêi trâng Điện Biên Phủ mê nah.

Tung kơxê lơ 4/3, Khu pơkuâ vâi kơdrâi kong pơlê Điện Biên xuân hiăng pêi pro tơdroăng “Hâk tơngăm Điện Biên – Vâi kơdrâi pói vâ mơnhông” ƀă tơkŭm po Roh tơ’noăng mơ’no tơdrêng tung um tiô troăng hyôh măng “Ti tăng plĕng 70 hơnăm Ƀlêi trâng Điện Biên Phủ”.

Roh tơ’noăng pơxiâm sap hâi lơ 4/3 – 30/4 ƀă po rơdâ, kố cho tíu tơbâ trâu hơngế dêi nâ o, kăn ƀô̆ ối tung khu ‘na tơdroăng mơnhông mơdêk ton nah kân krip, tơnêi pêng tơdroăng hâk tơngăm Điện Biên Phủ ngế khên tơnôu.