Rusi đi đo nhoăm ‘mâi mơnhông tơrŭm cheăng ƀă Việt Nam
Thứ ba, 14:15, 05/03/2024
Tơplôu: Gương/VOV
Tơplôu: Gương/VOV
VOV4.Xơ Đăng - Kơxê hâi lơ 4/3, a tíu pêi cheăng xiâm Khu ngăn tơpui kâ tơnêi têa, pôa Lê Hoài Trung, Kăn hnê ngăn Tíu xiâm Đảng, Ngế xiâm ngăn ‘na Tơpui kâ tơnêi têa, hiăng tơdah Ngế xiâm phŏ hnê ngăn má môi Ngế xiâm tơpui kâ Rusi Vladimir Titov dế lăm pôu pêi cheăng a Việt Nam vâ tơpui tơno ‘na troăng tơpui kâ - cheăng lêng- kring tơniăn Việt Nam - Rusi rôh má 13.
Rơkâu pê klêi hnoăng cheăng dêi tơdroăng Tơpui kâ ‘na cheăng lêng - kring tơniăn Việt Nam - Rusi, pôa Lê Hoài trung tối, Đảng, Tơnêi têa ƀă kuăn pơlê Việt Nam ngăn tơrŭm cheăng tiah hmâ ton nah, Tơrŭm cheăng tung tŭm tơdroăng ƀă Rusi; tơpui tơno ‘na mâu troăng rơhlâ ki kân vâ mơnhông tơrŭm cheăng péa tơnêi têa tung mâu kơvâ cheăng.
Khĕn kơdeăn khât mâu tơdroăng mơnhông tơƀrê dêi Việt Nam - Rusi, Ngế pro xiâm phŏ má môi Titov tối, Rusi đi đo nhoăm tung tơdroăng ‘mâi mơnhông tơrŭm cheăng ƀă Việt Nam. Ngế xiâm phŏ má môi Titov tối tơdroăng hnê tối dêi pôa Lê Hoài Trung ‘na mâu troăng rơhlâ, tơdroăng pêi pro ki kân vâ mơnhông tơrŭm cheăng péa tơnêi têa tung la ngiâ, malối mơnhôk mâu hneăng lăm pôu râ kăn xiâm tung hơnăm 2024.
Viết bình luận