A roh tơdah, jâ Võ Thị Ánh Xuân, Teăng Kăn xiâm hnê ngăn tơnêi têa kheăn kơdeăn Hngêi arak liăn lâp plâi tơnêi têa hiăng veăng kum kân tung tơdroăng tŏng kum mơnhông ƀă mơdêk kơlo rêh ối dêi kuăn pơlê a mâu kong têa ối tung khu tơrŭm tung lâp plâi tơnêi. Ƀă Việt Nam Hngêi arak liăn lâp plâi tơnêi cho môi tung pái khu tơrŭm mơnhông, xing xoăng ăm liăn mung kong têa ê hên má môi, tơxâng dâng 35% kơxô̆ liăn mung kong têa ê dêi Việt Nam.

Teăng Kăn xiâm hnê ngăn tơnêi têa kheăn kơdeăn tơdroăng tŏng kum dêi jâ Carolyn Turk ƀă Hngêi arak liăn lâp plâi tơnêi ăm Việt Nam, tung mê ai hên tơdroăng pêi kơnâ môi tiah: tơvêh chĕn rĕng mâu kơxô̆ liăn chĕn; Hiăng ai troăng tơmiât pêi rơkê tŏng kum Việt Nam hbrâ mơdât COVID-19, kum Việt Nam rĕng pro tơniăn cheăng kâ klêi kơ’nâi tâi pơreăng.

Ki rơhêng vâ tối, Hngêi arak liăn lâp plâi tơnêi hiăng tơkêa mơhnhôk kơxô̆ liăn dâng 1 – 2 rơtal dollars/hơnăm ăm mơ’no liăn mơnhông dêi Việt Nam tung pêi pro mâu tơdroăng tơkêa bro ki kal. Tung la ngiâ, Teăng Kăn xiâm hnê ngăn tơnêi têa pơkâ thế Hngêi arak liăn lâp plâi tơnêi pơtối tơrŭm krá tơniăn, tŏng kum Việt Nam tung tơdroăng mơnhông tơnêi têa.