Hngêi trung Đăi hok Thái Nguyên nôkố ai lối 70 rơpâu ngế hriâm, sinh viên, tung mê ai vâ chê 1 rơpâu ngế hok tro kong têa ê; ƀă khu pêi cheăng ai 2.500 giảng viên. Đăi hok Thái Nguyên nôkố hiăng mơnhên châ inâi, tơdroăng ki loi tơngah dêi môi hngêi trung đăi hok ki xiâm tơnêi têa, mơnhông tâi tâng tá ‘na ki kân kŭn, kơvâ cheăng ƀă ki hôm tung hnê mơjiâng.

Teăng Kăn xiâm hnê ngăn tơnêi têa pơkâ thế Đăi hok Thái Nguyên kal pơtối hlê plĕng ƀă pêi pro lĕm tro mâu troăng pơkâ pêi, troăng hơlâ dêi Đảng, Tơnêi têa ‘na pơhlêh nếo ki xiâm rêi, tâi tâng hnê hriâm – hnê mơjiâng, ‘na mơnhông kơpong; tơdrêng amê thế ƀeăn ƀĕng, tơmiât pêi rơkê, ai troăng pêi, troăng prôk tơtro. Khu xiâm pơkuâ hnê hriâm ƀă Hnê mơjiâng tuăn ngôa rơkê, mâu khu cheăng, khu xiâm, kơvâ cheăng Tơnêi têa, kong pơlê Thái Nguyên ƀă mâu tơring tung kơpong pơtối tơmâng, pro tơ’lêi hlâu ƀă ‘măn kơxô̆ liăn tŏng kum tơniăn má môi vâ Đăi hok Thái Nguyên mơnhông tiô tro troăng hiăng pơkâ mơ’no.