Lăm troh a “Điện Biên Phủ - Púi vâ tơnêi têa tơniăn’’ xua Tíu xiâm Đôan Đroh rơtăm Kŏng sản Hồ Chí Minh tơkŭm po sap hâi lơ 24/4 troh hâi lơ 27/4/2024 ƀă mâu tơdroăng lăm pôu, hbru tơmeăm, tơbâ troh mâu rơpŏng ai ngế pro mố đô̆i tơplâ Điện Biên hneăng hdrối nah, rơpŏng ai hnoăng kăch măng, Jâ Nôu Việt Nam khên tơnôu, têk nhang tơbâ troh mâu ngế lêng tơplâ hlâ khên tơnôu. Kơxo lơ 24/4, a tíu tơbâ ton nah Trăng hlá cờ Hà Nội, po leh lăm troh “ Điện Biên Phủ - Púi vâ tơnêi têa tơniăn lĕm”.
Tung rôh lăm pôu, 3 tơdroăng xiâm dêi mâu lêng a mâu kong pơlê, pơlê kong kân ƀă khu mâu lêng a pơlê kong kơdrâm Điện Biên Phủ, kong pơlê Điện Biên a hâi lơ 26/4 la ngiâ. Ƀă rêm pơlê, cheăm, tơring, kong pơlê ki tơkâ luâ, mâu ngế teăng mâ prôk lăm mê kô pôu ngăn, têk nhang a mâu tíu tơbâ ton nah, lăm pôu, hbru tơmeăm ăm mâu rơpŏng ai hnoăng ƀă kăch măng, rơpŏng hngêi ai hnoăng; leh hiăng pro klêi, diâp tơmeăm mơjiâng pro ăm mâu droh rơtăm ăm mâu rơpŏng, hok tro kơtiê xơpá. Tâi tâng kơxô̆ liăn, tơmeăm tŏng kum Điện Biên ƀă mâu cheăm, tơring pêi pro châ lối 7,6 rơtal liăn.
Viết bình luận