Mâu hâi a chê Têt, a tíu ki pro troăng kân Khánh Hòa - Ƀuôn Ma Thuột troăng ki tơkâ luâ cheăm Ea Knêč, tơring Krông Pač xuân dế ối pro troăng. Tơdroăng tơkêa pro troăng kân Khánh Hòa - Ƀuôn Ma Thuột xŏn dâng 117,5 km tơkoh ƀă kong pơlê Khánh Hòa – Dak Lak.

Tơdroăng tơkêa kố châ klâ pro 3 tơdroăng mê cho, kơxô̆ 1 xua kong pơle Khánh Hòa pro ngế ki ‘no liăn bro; kơxô̆ liăn ki má 2 cho xua Khu xiâm ngăn troăng prôk ƀă rơxế kơtâu bro; u ối cho kơxô̆ liăn ki má 3 cho xua kong pơlê Dak Lak pro. Kơxô̆ liăn kố châ kong pơlê Dak Lak pơcháu ăm Khu pơkuâ tơdroăng pro troăng prôk ‘no liăn bro pêi chiâk deăng mơnhông thôn pơlê kong pơlê pro ngế ki ‘no liăn bro.

Tung rôh Têt Giáp Thìn 2024 kố, mâu tíu pêi cheăng ki pro troăng kơxô̆ liăn má 3 pơrá chêh inâi pro tung Têt, Khu pơkuâ ngăn hiăng pơkâ thế mâu khu mơdró kâ pakĭng tơdroăng ki rak tơniăn tơdroăng ki pro, dâi lĕm tung mơjiâng pro, mê kal athế tơmâng ngăn krâu troh tơdroăng ki kum ăm mâu ngế pêi cheăng bro troăng prôk tiô pơkâ.